لاہور(پاکستان پوائنٹ نیوز11۔اکتوبر۔2018ء) بالاں نال بدفعلی کرن دے معاملے اُتے تحریک انصاف دی حکومت نے اہم فیصلا کیتا اے۔ حکومت نے بالاں نال بدفعلی کرن والے ملزماں دے کریکٹر سر ٹیفکیٹ وچ جرم دے اندراج دا فیصلا کیتا اے۔ انوسٹی گیشن برانچ نے آئی جی پنجاب دے حکم اُتے مراسلہ وی جاری کر دتا اے۔ جیہدے مگروں بالاں نال بدفعلی کرن والے ملزماں دے کریکٹر سرٹیفکیٹ وچ اوہناں دے کیتے گئے جرم دا اندراج وی کیتا جائے گا۔
جے کوئی بندہ بال نال بدفعلی دے معاملے وچ ملوث رہیا یاں سزا کٹ چُکیا ہویا اوہدے سر ٹیفکیٹ وچ اوہدا باقاعدہ اندراج کیتا جائے گا تاں جے ایہ جرم کرن والے لوکاں نوں عمر بھر لئی شرمندگی دا ساہمنا کرنا پئے۔ یاد رہوے کہ ایس توں پہلاں بالاں نال زیادتی کرن والے ملزماں نوں جیل گھلن دی بجائے چار مہینے لئی اسلامی مرکز گھلن دا فیصلا وی کیتا گیا سی۔ پر ایس قانون نوں نامناسب قرار دے دتا گیا سی۔لوکاں نے آکھیا سی کہ اُچیچی عدالت نوں فیصلے اُتے نظرثانی کرنی چاہیدی۔
