اسلام آباد(پاکستان پوائنٹ نیوز11۔اکتوبر۔2018ء) سابق وزیر اعظم شوکت عزیز دے وارنٹ گرفتاری جاری کر دتے گئے نیں۔ تفصیل مطابق سابق وزیر اعظم شوکت عزیز دے ناقابل وارنٹ گرفتاری جاری کیتے گئے۔ وارنٹ احتساب عدالت دے جج ارشد ملک نے جاری کیتی۔ یا درہوے کہ چالو ورھے قومی احتساب بیورو نے سابق وزیر اعظم شوکت عزیز تے سابق وزیر برائے پانی و بجلی لیاقت جتوئی خلاف ریفرنس دائر کیتا سی۔
جیہڑے بندیاں خلاف ریفرنس دائر کیتا گیا اوہناں وچ شوکت عزیز، لیاقت جتوئی، سابق وفاقی سیکرٹری اسماعیل قریشی، سابق ایڈیشنل سیکرٹری یوسف میمن، سابق جوائنٹ سیکرٹری غلام نبی منگریو، محکمہ پانی و توانائی دے سینئر افسر عمر فاروق، آلٹرنیٹو انرجی ڈویلپمنٹ بورڈ(اے ای ڈی بی) دے سابق چیئرمین ائر مارشل (ر) ساجد حامد، اے ڈی بی دے سابق سیکرٹری بریگیڈیئر نسیم اے خان تے سابق ڈائریکٹر جنرل ڈاکٹر بشارت حسن بشیر شامل نیں۔میڈیا رپورٹ مطابق نیب ترجمان نے دسیا کہ ذکر کیتا گیا ریفرنس اسلام آباد دی احتساب عدالت وچ دائر کیتا گیا۔
