لاہور(پاکستان پوائنٹ نیوز05۔اکتوبر۔2018ء) شہباز شریف دی گرفتاری حکومت دے گلے دی ہڈی بن سکدی اے۔ تفصیل مطابق مشہور پرچا کار معید پیرزادہ دا کہنا سی کہ شہباز شریف دی گرفتاری حکومت لئی اوکڑاں پیدا کر سکدی اے۔ معید پیرزادہ دا آکھنا سی کہ نیب جے شہباز شریف خلاف کوئی واضح ثبوت پیش نہ کر سکی تے ایہ گل نیب دے نال نال حکومت دی ساکھ وی تباہ کر دیوے گی۔
تفصیل مطابق نیب ولوں شہباز شریف دی گرفتاری نے سیاسی منظر نامے وچ تھرتھلی پا دتی اے۔ ایس حوالے نال مشہور پرچا کار نے اپنے انداز وچ گل بات کردے ہوئے آکھیا کہ نیب دے ایس کم نے تحریک انصاف دے خُش ہون والے کارکناں نوں سوچی پا دتا اے۔ معید پیرزادہ دا آکھنا سی کہ انج دی صورتحال وچ جدوں وزیر اطلاعات پہلے ای انج دے کماں دے اشارہ دے چکے سن،تے ایہ کم حکومت نوں اوکڑاں وچ پا سکدا اے۔اوہناں دا کہنا سی کہ جے نیب الزام ثابت نہ کر سکی تے ایہدے نتیجے وچ شریف خاندان نوں سیاسی فائدہ تے نیب دے نال نال حکومت دی ساکھ نوں نقصان اپڑے گا۔
