لاہور(پاکستان پوائنٹ نیوز05۔اکتوبر۔2018ء) تحریک لبیک پاکستان دے سربراہ خادم حسین رضوی نے شہباز شریف دی گرفتاری اُتے ردعمل دیند ے ہوئے اوہدا خیرمقدم کیتا اے۔ تفصیل مطابق اج آشیانہ ہاؤسنگ سکیم سکینڈل وچ سابق وزیر اعلا پنجاب شہباز شریف نوں گرفتار کر لیا گیا ۔مسلم لیگ (ن) نے وی پارٹی صدر شہباز شریف دی گرفتاری دی تصدیق کیتی اے۔ ترجمان مسلم لیگ (ن) مریم اورنگزیب نے آکھیا کہ پارٹی صدر شہباز شریف نوں گرفتار کر لیا گیا اے۔ شہباز شریف نوں اج آشیانہ ہاؤسنگ سکیم سکینڈل وچ گرفتار کیتا گیا اے۔ ڈی جی نیب نے وی سابق وزیر اعلا نوں گرفتار کرن دی تصدیق کر دتی اے۔ سابق وزیر اعلا پنجاب اج تیجی وار عدالت وچ پیش ہوئے جتھے اوہناں ساہمنے کیس وچ حاصل کیتے جان والے ثبوت پیش کیتے گئے پر نیب دے ساہمنے شہباز شریف کوئی تسلی بخش جواب نہ دے سکے، جیہدے مگروں اوہناں نوں گرفتار کر لیا گیا ۔شہباز شریف دی گرفتاری اُتے کئی سیاسی جماعتاں ولوں ردعمل دتا جا رہیا اے۔ ایس حوالے نال تحریک لبیک پاکستان دے سربراہ نے وی ردعمل دا اظہار کردے ہوئے نیب دے ایس اقدام نوں سلاہیا اے۔ مائیکرو بلاگنگ ویب سائٹ ٹویٹر اُتے اپنے پیغام وچ اوہناں دا آکھنا سی کہ میگا کرپشن وچ ملوث شہباز شریف دی گرفتاری دا خیرمقدم کردے آں۔
