کراچی(پاکستان پوائنٹ نیوز26۔ستمبر۔2018ء) چیف جسٹس میاں ثاقب نثار 25دسمبر نوں کراچی دے واسیاں نوں پانی بارے خشخبری سُنان گے۔ چیف جسٹس میاں ثاقب نثار نے ملک بھر وچ نِکے ڈیماں دیاں تفصیلاں منگدے ہوئے آکھیاکہ کراچی وچ پانی بارے 25دسمبر نوں خشخبری ملے گی۔ میڈیا رپورٹس مطابق سپریم کورٹ وچ چیف جسٹس ثاقب نثار نے ڈھڈوچہ ڈیم دی اُساری بارے کیس دی سنوائی کیتی۔
سنوائی دوران چیف جسٹس ثاقب نثار نے ملک بھر وچ موجود نِکے ڈیماں دیاں تفصیلاں منگدے ہوئے اک ہفتے وچ اٹارنی جنرل نوں ڈیماں دیاں معلومات پیش کرن دا حکم دتا۔ سنوائی دوران چیف جسٹس نے ریمارکس دتے کہ کراچی نوں پانی بارے 25دسمبر نوں خشخبری ملے گی۔ کراچی وچ ٹریٹمنٹ پلانٹس اُتے تیزی نال کم جاری اے۔ چیف جسٹس نے ہور آکھیا کہ ڈیم بنانا عدالتاں دا کم نہیں پر حالات دی سنگینی پاروں مداخلت کر رہے آں۔ ڈیم دی اُساری دے اعلان توں تن مہینے پہلے ماہراں توں رائے لئی سی۔ سنوائی دوران چیف جسٹس نے ریمارکس دتے کہ ڈیم بارے شہری نے ترانہ وی بنایا اے، ترانے نوں ڈیم اشتہار دا حصہ بنایا جائے۔
