اسلام آباد(پاکستان پوائنٹ نیوز26۔ستمبر۔2018ء) نیشنل الیکٹرک پاور ریگولیٹری اتھارٹی(نیپرا) نے بجلی دی قیمت وچ وادھے دی منظوری دے دتی اے۔ تفصیل مطابق نیشنل الیکٹرک پاور ریگولیٹر اتھارٹی( نیپرا) نے بجلی دی فی یونٹ قیمت وچ 1رُپئے16پیسے وادھا کر دتا۔ بجلی دی قیمت وچ وادھا اگست دی فیول پرائس ایڈجسٹمنٹ دی مد وچ کیتا گیا اے۔ نیپرا وسیلیاں مطابق سینٹرل پاور پرچیزنگ ایجنسی نے بجلی دی قیمت وچ ڈیڈھ رُپئے فی یونٹ وادھے دی درخاست کیتی سی۔
بجلی دی قیمت وچ وادھے دا اطلاق کے الیکٹرک توں وکھ بجلی دیاں ساریاں ونڈ کار(تقسیم کار)کمپنیاں اُتے ہوئے گا۔ یاد رہوے کہ پچھلے دیہاڑے وفاقی وزیر خزانہ اسد عمر دی صدارت ہیٹھ ای سی سی دا اجلاس ہویا ، جیہدے وچ بجلی دی قیمت اندر وادھے دی منظوری دا امکان ظاہر کیتا جا رہیا سی۔پر ہن بجلی دی قیمت وچ وادھے دی منظوری دے دتی گئی اے۔
