لاہور(پاکستان پوائنٹ نیوز26۔ستمبر۔2018ء) اڈیالا جیل توں رہا ہون مگروں مریم نواز نے خطرناک منصوبہ بندی کر لی۔ مشہور پرچا کار صابر شاکر نے دعوا کیتا اے کہ مریم نواز نے فوج تے عدلیہ نوں ٹارگٹ کرن لئی سوشل میڈیا ٹیم نوں سد لیا۔ مریم نواز دے ایہ لفظ سن کہ نہ تے ہن فوج نوں چھڈنا اے تے نہ ای عدلیہ نوں۔ تفصیل مطابق سابق وزیر اعظم نواز شریف تے اوہناں دی دھی نوں اڈیالا جیل توں رہا ہوئے اک ہفتہ ہو گیا اے پر اجے تیکر دوویں چُپ نیں۔
پر ہن ایس حوالے نال مشہور پرچا کار صابر شاکر نے دعوا کیتا اے کہ مریم نواز نے فوج تے عدلیہ نوں ٹارگٹ کرن لئی سوشل میڈیا ٹیم نوں سد لیا۔ مریم نواز دے ایہ لفظ سن کہ نہ تے ہن فوج نوں چھڈنا اے تے نہ ای عدلیہ نوں۔ بلکہ مینوں موقع ملیا تے اوہناں نوں سبق سکھاواں گی۔ صابر شاکر دا کہنا سی کہ اوہ سوشل میڈیا ٹیم جو مریم نواز دے اشاریاں اُتے چلدی سی اوہدے وچوں کئی بندیاں نے مریم نواز دے بلان اُتے آن توں انکار کر دتا ایہدی وجہ ایہ اے کہ پہلے اوہناں نوں ایہ دھوکھا دتا جا رہیا سی کہ اوہ سرکاری ملازم نیں تے اوہناں دیاں تنخاہواں وی وزارتاں دے کھاتیاں وچوں دتیاں جاندیاں سن جدکہ ہن اوہ واپس آن توں شرما رہے نیں۔
