کراچی(پاکستان پوائنٹ نیوز20۔ستمبر۔2018ء) پاکستان ریلوے نے ٹکٹاں اُتے ڈیم سرچارج لا دتا اے، مسافراں کولوں لِتی جان والی رقم ڈیم فنڈ وچ جمع کروائی جائے گی۔ ترجمان پاکستان ریلوے مطابق بزنس تے اکانومی کلاس دے ٹرین ٹکٹاں اُتے ڈیم سرچارج لا دتا گیا اے۔ 100رُپئے تیکر دا ٹکٹ لین اُتے اک رُپیہ جدکہ ایس توں ودھ دے ٹکٹ اُتے 2رُپئے ودھ دینے پین گے۔
ترجمان مطابق ہر مسافر نوں اے سی کلاس ٹکٹ اُتے 10رُپئے ودھ دینے پین گے۔ ڈیم فنڈ دی مد وچ لِتی جان والی رقم کرائے دا حصہ نہیں ہوئے گی۔ ترجمان دا کہنا سی کہ وادھو رقم ٹکٹ ہیٹھاں وکھ ظاہر کیتی جائے گی۔ ترجمان دا کہنا سی کہ ٹکٹاں توں لبھن والی رقم ہر مہینے وزیراعظم تے چیف جسٹس ولوں قائم کیتے گئے ڈیم فنڈ وچ گھلی جائے گی۔ چیتے رہوے کہ وفاقی وزیر ریلوے شیخ رشید احمد نے ریلوے دے ٹکٹاں اُتے ڈیم فنڈ سرچارج لان دی ہدایت کیتی سی۔
