تحریک انصاف نے ڈاکٹر شہزاد وسیم چودھری نوں سینیٹ دا ٹکٹ دے دتا

لاہور(پاکستان پوائنٹ نیوز20۔ستمبر۔2018ء) پاکستان تحریک انصاف نے چودھری محمد سرور دے استعفے مگروں خالی ہون والی سینیٹ دی سیٹ اُتے ڈاکٹر وسیم نوں ٹکٹ جاری کر دتا اے۔ گورنر پنجاب نامزد ہون مگروں چودھری محمد سرور نے سینیٹ دی سیٹ توں استعفا دے دتا سی۔ سینیٹ وچ پنجاب دی سیٹ لئی پی ٹی آئی سینئر رہنما حامد خان، اعجاز احمد چودھری، عمر سرفراز چیمہ تے ولید اقبال وی امیدوار سن پر پی ٹی آئی دی قیادت نے ڈاکٹر شہزاد وسیم نوں ٹکٹ جاری کر دتا اے۔ وسیلیاں مطابق ذکر کیتے گئے رہنماواں نوں چھیتی یی اہم عہدے تے جان دی آس اے۔