راولپنڈی(پاکستان پوائنٹ نیوز17۔ستمبر۔2018ء) پاکستان مسلم لیگ (ن) دے قائد و سابق وزیر اعظم نواز شریف، اوہناں دی دھی مریم نواز تے داماد کیپٹن (ر) صفدر نوں اڈیالا جیل منتقل کر دتا گیا اے۔ نواز شریف ،مریم نواز تے کیپٹن (ر) صفدر نوں بیگم کلثوم نواز دے فوت ہون اُتے پیرول اُتے رہا کیتا گیا سی۔ پاکستان مسلم لیگ (ن) دے قائد و سابق وزیر اعظم نواز شریف، اوہناں دی دھی مریم نواز تے داماد کیپٹن (ر) صفدر نوں ایون فیلڈ ریفرنس وچ احتساب عدالت نے سزا سُنائی اے۔
تفصیل مطابق پاکستان مسلم لیگ (ن) دے قائد و سابق وزیر اعظم نواز شریف، اوہناں دی دھی مریم نواز تے داماد کیپٹن (ر) صفدر نوں پیرول اُتے رہائی دا ویلا ختم ہون مگروں اڈیالا جیل منتقل کر دتا گیا اے۔دوجے پاسے نواز شریف تے مریم نواز نے پیرول اُتے رہائی دا ویلا ختم ہون توں پہلاں جاتی امراء وچ میاں شریف، بیگم کلثوم نواز تے عباس شریف دیاں قبراں اُتے حاضری دتی تے فاتحہ خوانی کیتی۔جدکہ پاکستان مسلم لیگ (ن) دے قائد و سابق وزیر اعظم نواز شریف، اوہناں دی دھی مریم نواز تے داماد کیپٹن (ر) صفدر نوں بیگم شمیم اختر نے دعاواں دے کے گھروں ٹوریا۔
