اسلام آباد(پاکستان پوائنٹ نیوز17۔ستمبر۔2018ء) وفاقی وزیر پٹرولیم چودھری غلام سرور نے آکھیا اے کہ گیس بم ڈیگن دیاں خبراں غلط نیں، گیس بلاں وچ 25فیصد تیکر وادھا کیتا گیا، گیس دیاں قیمتاں ودھا کے ایکسپورٹ کمپنی نوں ریلیف دتا اے، ایل پی جی اُتے سارے ٹیکس ختم کر کے 10فیصد ای جی ایس ٹی لایا اے، ایل پی جی دی قیمت 200رُپئے گھٹا دتی اے۔ اوہ اج وفاقی وزیر اطلاعات فواد چودھری نال میڈیا نال گل بات کر رہے نیں۔
اوہناں دا کہنا سی کہ 2013وچ گیس کمپنیاں منافعے اُتے چل رہیاں سن۔ 2018 وچ گیس کمپنیاں نوں 152ارب رُپئے کسارے(خسارے)دا ساہمنا اے۔ گیس نیٹ ورک اُتے پورے پاکستان وچ 23فیصد لوک نیں۔ اوہناں نے آکھیا کہ ایکسپورٹ کمپنی نوں گیس دیاں قیمتاں وچ وادھا کر کے ریلیف دتا اے۔ چودھری غلام سرور نے آکھیا کہ گیس بلاں وچ مجموعی طور اُتے 20توں 25فیصد وادھا کیتا گیا اے۔
عام بندے لئی گیس وچ 10توں 15رُپئے وادھا کیتا گیا۔ اوہناں دا کہنا سی کہ 100کیوبک میٹر والے دا بل 480 رُپئے سی جو ہن 551رُپئے ہوئے گا۔ عام بندے لئی 23مہینے وچ وادھا ہوئے گا۔ ایسے طرحاں 50کیوبک میٹر گیس ورتن اُتے بل 252سی جو ہن ودھ کہ 275ہو جائے گا۔ اوہناں نے آکھیا کہ اک ہزار 900رُپئے گیس دا بل دین والا 2ہزار توں ودھ بل دیوے گا۔ چودھری غلام سرور نے آکھیا کہ ایل پی جی اُتے سارے ٹیکس ختم کر کے 10فیصد جی ایس ٹی لایا اے۔ ایل پی جی دی قیمت 1600توں گھٹ ہو کے 1400سو رُپئے ہو جائے گی۔ پاکستان دی 60فیصد آبادی ایل پی جی ورتدی اے۔
