اسلام آباد(پاکستان پوائنٹ نیوز15۔ستمبر۔2018ء) وزیراعظم عمران خان دے دوست نوں برطانیہ وچ پاکستانی ہائی کمشنر تعینات کرن دا امکان ظاہر کیتا جا رہیا اے۔لندن وچ ایوارڈ تقریب دوران پاکستانی ہائی کمشنر دیاں اُلٹیاں سدھیاں حرکتاں اُتے وزارت خارجا پاکستان نے سخت نوٹس لیا سی۔ برطانیہ وچ تعینات پاکستانی ہائی کمشنر صاحبزادہ احمد خان کولوں ایس حوالے نال وضاحت وی منگی گئی اے۔
وفاقی وزیر خارجا شاہ محمود قریشی نے لندن وچ پاکستانی ہائی کمشنر دیاں غیر ذمے وارانہ حرکتاں دا نوٹس لے کے اوہناں کولوں وضاحت منگی۔ جیہدے مگروں امکان ظاہر کیتا جا رہیا اے کہ پاکستان تحریک انصاف دی حکومت عمران خان دے پرانی دوست نوں برطانیہ وچ پاکستانی ہائی کمشنر تعینات کر سکدی اے۔ صاحبزادہ احمد خان نے برطانیہ وچ پاکستانی ہائی کمشنر دے عہدے دا چارج دو مہینے پہلاں سنبھالیا سی پر پچھلے 40سال توں عمران خان نال رہن والے اوہناں دے دوست صاحبزادہ جہانگیر ہن اوہناں دی تھاں لے سکدے نیں۔ایہو نہیں بلکہ صاحبزادہ جہانگیر نوں پاکستان تحریک انصاف اندروں وی ڈاڈھی حمایت حاصل اے۔صاحبزادہ جہانگیر فوزیہ قصوری دے بھرا نیں جو لندن وچ پچھلے 40سال توں رہ رہے نیں۔
