لاہور(پاکستان پوائنٹ نیوز15۔ستمبر۔2018ء) چیف جسٹس سپریم کورٹ جسٹس ثاقب نثار نے آکھیا اے کہ اعتزاز صاحب!ملک نہ ہوندا تے میں تہاڈا منشی ہوندا، اسیں ساریاں نے پاکستان دی بہت خدمت کرنی اے، آرٹیکل 6 باریکی نال پڑھ رہیا واں تاں جے ڈیم دی مخالفت کرن والیاں خلاف غداری دا مقدمہ قائم ہو سکے۔ میڈیا رپورٹس مطابق اج سپریم کورٹ لاہور رجسٹری وچ زمین وچوں پانی کڈھ کے منرل واٹر دے طور اُتے ویچن والیاں خلاف کیس دی سنوائی ہوئی۔
چیف جسٹس سپریم کورٹ نے اج سپریم کورٹ لاہور رجسٹری وچ منرل واٹر کمپنیاں خلاف آپ نوٹس کیس دی سنوائی کردے ہوئے آکھیا کہ آرٹیکل 6باریکی نال پڑھ رہیا واں تاں جے ڈیم دی مخالفت کرن والیاں خلاف غداری دا مقدمہ قائم ہو سکے۔کیونکہ ڈیمز بنن دی مخالفت کرن والے غداری کر رہے نیں۔ اوہناں نے آکھیا کہ میں صرف ملک و قوم دی خدمت کر رہیا واں، مینوں ریٹائرمنٹ مگروں کسے عہدے دی ضرورت یاں کسے عہدے دا شوق نہیں اے۔
ریٹائرمنٹ مگروں مینوں کسے وی عہدے دی آفر کرن والے شرمندہ ہون گے۔ اوہناں نے آکھیا کہ سانوں پاکستان دی خدمت کرنی چاہیدی۔ اوہناں اعتزاز احسن نوں مخاطب کردے ہوئے آکھیا کہ اعتزاز صاحب!جے پاکستان نہ ہوندا تے میں ایس ویلے تہاڈا منشی ہوندا۔ اسیں پاکستان دی خدمت کرنی اے۔ چیف جسٹس نے منرل واٹر ویچن والیاں وڈیاں کمپنیاں دے سی ای اوز نوں کل ریکارڈ سنے سپریم کورٹ سد لیا اے۔
