اسلام آباد(پاکستان پوائنٹ نیوز13۔ستمبر۔2018ء) شیریں مزاری دفتر وچ نیندر دے مزے لیندیاں رہیاں۔ وفاقی وزیر برائے انسانی حقوق دی اپنے سرکاری دفتر وچ سون دی تصویر وائرل ہو گئی۔ تفصیل مطابق پاکستان تحریک انصاف دی حکومت وچ شیریں مزاری نوں وفاقی وزیر برائے انسانی حقوق بنایا گیا اے۔ تحریک انصاف دی حکومت توں پہلاں وی شیریں مزاری متحرک نظر آؤندیاں سن۔
پر ہن شیریں مزاری دی اک تصویر سوشل میڈیا اُتے وائرل ہو رہی اے۔ جیہدے وچ اوہناں نوں سوندے ہوئے ویکھیا جا سکدا اے۔ جدکہ تصویر وچ اوہ اپنے سرکاری دفتر وچ موجود نیں۔ دوجے پاسے سوشل میڈیا ورتیندڑاں ولوں تصویر اُتے دلچسپ قسم دے تبصرے ہو رہے نیں۔ کُجھ سوشل میڈیا ورتیندڑاں دا کہنا اے کہ تحریک انصاف والے تے تبدیلی دا نعرہ لاؤندے سن پر اوہ آپ نیندر دے مزے لے رہے نیں جدکہ کُجھ سوشل میڈیا ورتیندڑاں نے آکھیا کہ نویں حکومت وچ وزیر دن رات کم کر رہے نیں تے اوہ تھک جاندے نیں۔ایس لئی اوہناں دے آرام کرن وچ کوئی مسئلا نہیں اے۔
