اسلام آباد (پاکستان پوائنٹ نیوز12۔ستمبر۔2018ء) چیف جسٹس پاکستان نے دو کُھسریاں نوں سپریم کورٹ وچ نوکری دین دا اعلان کر دتا۔تفصیل مطابق سپریم کورٹ وچ چیف جسٹس پاکستان جسٹس میاں ثاقب نثار دی سربراہی وچ تن رکنی بنچ نے کُھسریاں دے بنیادی حقاں بارے کیس دی سنوائی کیتی۔ سنوائی دوران چیف جسٹس پاکستان نے ریمارکس دتے کہ کُھسریاں دے بنیادی حقاں بارے این جی اوز تے کے پی کے حکومت نوں نوٹس جاری کردے آں۔
کُھسریاں نوں حق دوانا پہلی ترجیح اے۔ جسٹس ثاقب نثار نے ایس موقعے تے دو کُھسریاں نوں سپریم کورٹ وچ نوکری دین دا اعلان کر دے ہوئے آکھیا کہ ساڈے معاشرے وچ کُھسریاں دی تضحیک کیتی جاندی اے، عدالت اوہناں نوں قومی دھارے وچ لیانا، اوہناں دی حفاظت تے مسائل دا حل چاہندی اے۔ سپریم کورٹ نے کُھسریاں دے حقاں بارے سفارشاں دو ہفتیاں وچ منگ لیاں۔ عدالت نے کُھسریاں خلاف بلیو وین ویب سائٹ دے مالک نوں نوٹس جاری کر دے ہوئے کیس دی ہور سنوائی دو ہفتیاں لئی ملتوی کر دتی۔
