لاہور(پاکستان پوائنٹ نیوز12۔ستمبر۔2018ء) مریم نواز ، نواز شریف تے کیپٹن (ر) صفدر دی پیرول اُتے رہائی وچ توسیع دا فیصلا کیتا گیا اے۔تفصیل مطابق بیگم کلثوم نواز دی وفات مگروں اڈیالا جیل وچ قید نواز شریف، مریم نواز تے کیپٹن (ر) صفدر نوں 12 گھنٹیاں لئی پیرول اُتے رہا کر دتا گیا اے۔ تازہ اطلاع مطابق محکمہ داخلا پنجاب دا کہنا اے کہ مریم نواز ، نواز شریف تے کیپٹن (ر) صفدر دی پیرول اُتے رہائی وچ توسیع دا فیصلا کیتا گیا اے۔
محکمہ داخلا پنجاب مطابق مدت اج رات 12وجے توں شروع ہو کے ہفتے دی رات 12وجے تیکر ہوئے گی۔محکمہ داخلا پنجاب دا کہنا اے کہ جے میت لیان وچ دیر ہوئی تے پیرول اُتے رہائی وچ وادھا وی ہو سکدا اے۔ ایس حوالے نال محکمہ داخلا پنجاب نے وضاحت کرد ے ہوئے آکھیا کہ جاتی امراء نوں سب جیل قرار نہیں دتا گیا۔
