اسلام آباد(پاکستان پوائنٹ نیوز11۔ستمبر۔2018ء) بیگم کلثوم نواز دی وفات دے موقعے تے سرکاری تقریباں تن دن لئی منسوخ کر دتیاں گئیاں نیں۔ تفصیل مطابق سابق خاتون اول لمے چر توں لندن وچ رہ رہیاں سن جتھے اوہناں دا کینسر دا اعلاج جاری سی۔ ایس دوران اوہناں دی طبیعت وچ لاہ چڑھا آؤندا رہیا۔ پر اج اوہناں دی طبیعت بُہتی وگڑی تے اوہ رب سوہنے نوں پیاریاں ہو گئیاں۔ جیہدے مگروں شریف خاندان سنے مسلم لیگ (ن) دے چاہن والے غم دی کیفیت وچ ڈُب گئے۔ پاکستان دے ہر شہری ولوں بیگم کلثوم نواز دی وفات اُتے ڈاڈھے دُکھ دا اظہار کیتا جا رہیا اے۔ دوجے پاسے ہن حکومت نے وی وڈا فیصلا کردے ہوئے تن دن لئی ہر قسم دیاں سرکاری تقریباں منسوخ کر دتیاں نیں۔
بیگم کلثوم نواز دی وفات:حکومت نے ساریاں سیاسی تقریباں 3دناں لئی منسوخ کر دتیاں
6 سال پچھے
