لاہور(پاکستان پوائنٹ نیوز10۔ستمبر۔2018ء) لاہور پولیس نے 9ویں ، 10ویں محرم نوں ڈبل سواری اُتے پابندی تے موبائل فون بند کرن لئی محکمہ داخلا نوں سفارش کر دتی۔ تفصیل مطابق محکمہ داخلا پنجاب نے محرماں وچ امن و امان دی صورتحال نوں برقرار رکھن لئی فوج تے رینجرز نوں سدن دا فیصلا کر لیا اے۔ جدکہ لاہور پولیس نے 9ویں ، 10ویں محرم نوں ڈبل سواری اُتے پابندی تے موبائل فون بند کرن لئی محکمہ داخلا نوں سفارش کیتی اے۔
وسیلیاں مطابق محکمہ داخلا پنجاب ولوں محرماں لئی فوج تے رینجرز دی تعیناتی لئی ریکوزیشن اسلام آباد گھلی گئی اے۔ لاہور سنے پنجاب دے سارے حساس ضلعیاں وچ امن و امان دی صورتحال برقرار رکھن لئی رینجرز تعینات ہوئے گی۔ دوجے پاسے محرم الحرام دی سکیورٹی دے حوالے نال لاہور پولیس دیاں تیاریاں جاری نیں۔ لاہور پولیس نے نویں تے دسویں محرم اُتے ڈبل سواری تے موبائل فون دی بندش لئی وی محکمہ داخلا نوں سفارش کر دتی اے۔ پولیس دا کہنا اے کہ محرم الحرام دے حوالے نال فول پروف سکیورٹی دے انتظامات کیتے جان گے۔ یاد رہوے کہ پاکستان وچ پہلا محرم 12ستمبر جدکہ یوم عاشور 21ستمبر نوں اے۔
