دیامر( پاکستان پوائنٹ نیوز11۔اگست۔2018ء ) دیامر وچ پڑھیارناں دے سکولاں نوں اگ لان توں بچان وچ ناکامی تے مبینہ طور اُتے لاپرواہی ورتن اُتے ڈپٹی انسپکٹر جنرل گلگت بلتستان گوہر نفیس نے 4پولیس افسراں نوں معطل کر دتا۔ ڈی آئی جی گلگت بلتستان نے میڈیا نال گل بات کردے ہوئے دسیا کہ معطل ہون والے افسراں وچ گریڈ 18تے 17دے افسر ، درایل تے تانگیر دے ایس ایچ اوز شامل نیں۔
اوہناں نے آکھیا کہ دو افسراں نوں ایس شرط اُتے بحال کیتا جائے گا کہ اوہ مطلوب ملزماں دی گرفتاری نوں یقینی بنان۔ اوہناں نے دعوا کیتا کہ دیامر واقعیاں دے ماسٹر مائنڈ دا ناں اگلے 24گھنٹیاں اندر ساہمنے لیاند اجائے گا۔ گوہر نفیس نے دسیا کہ سکول واقعے وچ ملوث گرفتار ملزماں کولوں ملن والیاں معلومات اُتے تفتیش 100فیصد سدھے پاسے اگانہ ودھ رہی اے۔
