لاہور( پاکستان پوائنٹ نیوز11۔اگست۔2018ء ) جانی پچھانی کاروباری شخصیت و شریف خاندان دے قریبی ساتھی میاں منشاء وی نیب دے ریڈار وچ آگئے، نیب نے میاں منشاء نوں منی لانڈرنگ کیس وچ 17اگست نوں سد لیا۔ میاں منشاء اُتے ساڈھے9کروڑ ڈالر باہرلے ملک منتقل کرن دا لزام اے۔ میڈیا رپورٹس مطابق نیب نے منی لانڈرنگ کیس وچ مشہور بزنس مین میاں منشاء دی آمدن بارے تحقیقات شروع کر دتیاں نیں۔
نیب نے میاں منشاء نوں 17اگست نوں سد لیا اے۔ میاں منشاء اُتے ساڈھے9کروڑ ڈالر برطانیہ منتقل کرن دا الزام اے۔ میاں منشاء نے باہرلے ملک ہوٹل وی مُل لیا ہویا اے۔نیب وسیلیاں مطابق میاں منشاء کولوں ایم سی بی بنک تے آدم جی بارے وی تحقیقات کیتیاں جان گیاں۔ میاں منشاء 17اگست نوں نیب دی سانجھی تحقیقاتی ٹیم ساہمنے پیش ہو کے سوالاں دے جواب دین گے۔
