اسد عمر نے ہفتے د ی چھٹی ختم کرن دیاں خبراں رد کر دتیاں

اسلام آباد( پاکستان پوائنٹ نیوز01۔اگست۔2018ء ) پاکستان تحریک انصاف دے رہنما اسد عمر نے سوشل میڈیا اُتے ہفتے دی چھٹی ختم کرن دیاں اپنے حوالے نال چلن والیاں خبراں نوں رد کر دتا۔ میڈیا رپورٹ مطابق پچھلے دیہاڑے سوشل میڈیا اُتے ایہ افواہواں کھلر رہیاں سن کہ اسد عمر وزارت خزانہ دا عہدہ سنبھالن مگروں بینکنگ سیکٹر تے کئی ایسے طرحاں دے حکومتی ادارے جتھے ہفتے دے دیہاڑے چھٹی ہوندی اے ایہنوں ختم کر دین گے۔ اسد عمر نے ایس حوالے نال کھلرن والیاں افواہواں نوں ٹویٹر اکاؤنٹ راہیں رد کیتا ۔ اوہناں دا کہنا سی کہ ہفتے دی چھٹی بارے چلن والے بیان نال اوہناں دا کوئی تعلق نہیں اے۔