اسلام آباد( پاکستان پوائنٹ نیوز01۔اگست۔2018ء ) گوشوارے جمع کروان مگروں ای امیدواراں دی جت دا نوٹی فکیشن جاری کراں گے۔ تفصیل مطابق الیکشن کمیشن دا کہنا اے کہ کامیاب امیدواراں لئی انتخابی خرچیاں دے گوشوارے جمع کروانا لازمی اے تے ایہدے مگروں ای اوہناں دی کامیابی دا نوٹی فکیشن جاری کیتا جائے گا۔ بدھ نوں جاری اک بیان وچ الیکشن کمیشن نے عام انتخابات 2018 وچ کامیاب ہون والے سارے ارکان نوں ہدایت کیتی اے کہ چھیتی توں چھیتی اپنے انتخابی خرچیاں دے گوشوارے ریٹرننگ افسراں کول جمع کروا دین تاں جے اوہناں دی کامیابی دا نوٹی فکیشن جاری ہو سکے۔
چیتے رہوے کہ انتخابات دے گوشوارے جمع کروان لئی الیکشن کمیشن نے سارے کامیاب امیدواراں نوں 4اگست تیکر دا ویلا دتا ہویا اے پر اجے تیکر کسے کامیاب امیدوار نے اپنے انتخابی خرچیاں دیاں تفصیلاں الیکشن کمیشن نوں جمع نہیں کروائیاں۔
