اسلام آباد( پاکستان پوائنٹ نیوز01۔اگست۔2018ء ) سپیکر قومی اسمبلی نے جاندے جاندے لیگی ارکان اسمبلی نوں نوازنا شروع کر دتا۔ سپیکر نے پارلیمنٹ لاجز وچ بہترین لاجز لیگی تے پیپلز پارٹی ارکان نوں دے دتے، بچ جان والے اپارٹمنٹس تحریک انصاف دے ارکان دے ناں کر دتے۔ تفصیل مطابق پاکستان تحریک انصاف دی الیکشن 2018وچ جت مگروں پاکستان تحریک انصاف مرکز وچ حکومت بنان لئی جوڑ توڑ کر رہی اے جو حتمی مرحلے وچ اے۔
ایس حوالے نال پاکستان تحریک انصاف دا دعوا اے کہ پاکستان تحریک انصاف نے مرکز وچ سادہ اکثریت حاصل کرلی اے تے ہن تیکر پاکستان تحریک انصاف نے مرکز وچ حکومت بنان لئی 165ارکان دی حمایت حاصل کر لی اے۔ تحریک انصاف دی ڈی گنتی ہون مگروں عمران خان یقینی طور اُتے پاکستان دے اگلے وزیر اعظم ہون گے۔ پرسپیکر قومی اسمبلی نے جاندے جاندے لیگی ارکان اسمبلی نوں نوازنا شروع کر دتا۔ سپیکر نے پارلیمنٹ لاجز وچ بہترین لاجز لیگی تے پیپلز پارٹی ارکان نوں دے دتے جدکہ بچ جان والے اپارٹمنٹس تحریک انصاف دے ارکان دے ناں کیتے گئے۔سپیکر قومی اسمبلی دے ایس فیصلے دی وجہ توں تحریک انصاف دے ارکان دی خشی پھکی پے گئی اے۔
