پرویز خٹک نے سیاست چھڈن دی دھمکی دے دتی

پرویز خٹک نے خیبرپختونخوا دی وزارت اعلا نہ دتے جان اُتے سیاست چھڈن دی دھمکی دتی

پرویز خٹک نے سیاست چھڈن دی دھمکی دے دتی
پرویز خٹک نے خیبرپختونخوا دی وزارت اعلا نہ دتے جان اُتے سیاست چھڈن دی دھمکی دتی

پشاور( پاکستان پوائنٹ نیوز01۔اگست۔2018ء ) پرویز خٹک نے خیبرپختونخوا دی وزارت اعلا نہ دتے جان اُتے سیاست چھڈن دی دھمکی دے دتی، عمران خان ولوں عاطف خان نوں نامزد کیتے جان مگروں پرویز خٹک خیبرپختونخوا دے دوبارہ وزیر اعلا بنن لئی ضد کر رہے۔ تفصیل مطابق پاکستان تحریک انصاف خیبرپختونخوا وچ اک وار فیر جت گئی اے۔ جت مگروں پی ٹی آئی خیبرپختونخوا دا وزیر اعلا نامزد کرن دے معاملے اُتے اندرونی طور اُتے اختلافات دا شکار اے۔

تحریک انصاف دے سربراہ عمران خان سابق وزیر تعلیم عاطف خان نوں صوبے دا نواں وزیر اعلابنان دے خاہش مند نیں پر پرویز خٹک دوبارہ وزارت اعلا سنبھالن لئی ضد کر رہے نیں۔ پرویز خٹک نوں عمران خان ولوں تلقین کیتی گئی اے کہ اوہ قومی اسمبلی دا حصہ بنن پر ایس حوالے نال سابق وزیر اعلا نے وڈی شرط رکھ دتی کہ جے اوہناں نوں قومی اسمبلی دا حصہ بنانا اے تے فیر اوہ عاطف خان نوں وزیر اعلا خیبرپختونخوا بنان دی حمایت نہیں کرن گے۔

ایس حوالے نال وسیلیاں نے دسیا کہ پرویز خٹک اپنے داماد نوں خیبرپختونخوا دا وزیر اعلا بنوانا چاہندے سن پر عمران خان نے پرویز خٹک دی ایس خاہش نوں کسے صورت پوری نہ کرن دا فیصلا کیتا۔ عمران خان نے سابق صوبائی وزیر تعلیم عاطف خان نوں صوبے دا وزیر اعلا بنان دی منظوری دے دتی اے۔ پر ایہدے مگروں پرویز خٹک اپنے مطالبے توں پچھانہ ہٹن نوں تیارنہیں نیں۔ نجی ٹی ولوں دعوا کیتا گیا اے کہ پرویز خٹک نے وزات اعلا نہ ملن اُتے پارٹی قیادت نوں دھمکی دتی کہ خیبرپختونخوا زی وزارت اعلا جے نہ اوہناں دے حوالے کیتی گئی تے اوہ سیاست چھڈ دین گے۔