لاہور( پاکستان پوائنٹ نیوز27۔جولائی۔2018ء ) پاکستان مسلم لیگ (ن) ولوں قومی اسمبلی وچ خواجا آصف نوں اپوزیشن لیڈر بنان دی صورت وچ حکومت نوں ایوان دی کارروائی چلان لئی ڈاڈھی مزاحمت دا ساہمنا رہوے گا، قانون سازی، بجٹ پیش کرن سنے ہر معاملے وچ عمران خان نوں بطور وزیر اعظم خواجا آصف نال صلاح کرنی پئے گی۔ تفصیل مطابق عام انتخابات 2018وچ تحریک انصاف وڈی جماعت بن کے ساہمنے آ ئی اے۔
الیکشن کمیشن دے ہن تیکر دے نتیجے مطابق تحریک انصاف نے قومی اسمبلی وچ 115، مسلم لیگ (ن) 63جدکہ پیپلز پارٹی 43سیٹاں نال تیجی وڈی جماعت بن گئی اے۔ جدکہ ایم ایم وی 12سیٹاں جت گئی اے۔ ایس طرحاں آزاد امیدواراں نے وی 2سیٹاں لئیاں نیں۔ وسیلیاں دا کہنا اے کہ مسلم لیگ (ن) نے قومی اسمبلی وچ بھرپور اپوزیشن دا کردار ادا کرن دا فیصلا کیتا اے۔جیہدے تحت قومی اسمبلی وچ خواجا آصف نوں اپوزیشن لیڈر بنائے جان دی آس اے۔
ایس طرحاں مسلم لیگ (ن) نے پنجاب و چ حکومت بنان دا اعلان وی کر دتا اے۔ کیونکہ پنجاب وچ مسلم لیگ (ن) کول سادہ اکثریت نہیں پر عددی اکثریت موجود اے پر جے مسلم لیگ (ن) قومی اسمبلی وچ اپوزیشن لیڈر لئی خواجا آصف نوں متھ دیندی اے تے دو وڈے حریفاں نوں اک وار فیر نہ چاہندے ہوئے وی اک دوجے دا ساہمنا کرنا پئے گا۔
