الیکشن2018:کراچی دی سیاست دا نقشہ بدل گیا

کراچی( پاکستان پوائنٹ نیوز27۔جولائی۔2018ء ) شہر قائد وچ تحریک انصاف دے بلے نے سبھ دی چھٹی کروا دتی، نہ فاروق ستار دی پتنگ اُڈ سکی نہ ای مصطفی کمال کامیاب ہو سکے جدکہ شہباز شریف نوں و ی کراچی والیاں نے رد کر دتا تے بلاول بھٹو وی اپنے گڑھ لیاری وچ ہار گئے۔ پاکستان تحریک انصاف 14سیٹاں لے کے کراچی دی سبھ توں وڈی جماعت بن گئی۔ تفصیل مطابق الیکشن 2018نے کراچی دی سیاست دا نقشہ بدل دتا گیا اے۔ راچی دیاں قومی اسمبلی دیاں 21سیٹاں دے غیر حتمی غیر رکاری نتیجے نے ایم کیو ایم پاکستان تے پیپلز پارٹی دیاں جڑاں ہلا دتیاں نیں۔ کراچی وچ تحریک انصاف نے سبھ توں ودھ 14سیٹاں لئیاں نیں۔کراچی والیاں نے تحریک انصاف نوں وڈی گنتی وچ جتوایا اے۔