اسلام آ باد( پاکستان پوائنٹ نیوز12۔جولائی۔2018ء ) قومی احتساب بیورو دے چیئرمین جسٹس (ر) جاوید اقبال نے آکھیا اے کہ معزز احتساب عدالت دے ایون فیلڈ ریفرنس وچ دتے گئے فیصلے تے معزز احتساب عدالت ولوں نواز شریف تے مریم نواز دی گرفتاری لئی جاری کیتے گئے وارنٹ گرفتاری اُتے قانون مطابق عملدرآمد یقینی بنایا جائے گا۔ اک بیان وچ اوہناں نے واضح کیتا کہ نواز شریف تے مریم نواز دی گرفتاری اُتے قانون دی خلاف ورزی تے کسے قسم دی رکاوٹ پان والیاں خلاف قانون مطابق کارروائی کیتی جائے گی۔
چیتے رہوے کہ جمعے دے دیہاڑے احتساب عدالت ولوں ایون فیلڈ ریفرنس کیس دا فیصلا سُنایا گیا سی۔ فیصلے دے تحت سابق وزیر اعظم نواز شریف نوں 10، اوہناں دی دھی مریم نواز نوں 7تے داماد کیپٹن (ر) صفدر نوں اک سال قید دی سزا سُنائی گئی اے۔ نواز شریف نوں 10ملین پاؤنڈ تے مریم نواز نوں 2ملین پاؤنڈ جرمانہ وی کیتا گیا اے۔پر نواز شریف تے مریم نواز بیگم کلثوم نواز دی بیماری پاروں لندن وچ نیں، جو کل واپس آ رہے نیں۔
