اسلام آباد( پاکستان پوائنٹ نیوز12۔جولائی۔2018ء ) پی ٹی آئی چیئرمین عمران خان دی دوجی بیوی اک وار فیر خبراں دی زینت بن گئیاں نیں۔ ریحام خان نے جتھے اپنی کتاب وچ پی ٹی آئی چیئرمین عمران خان تے اوہناں دے قریبی ساتھیاں بارے کئی انکشافات کیتے نیں اوتھے اوہناں نے عمران خان بارے وی کئی دعوے کیتے ۔ کُجھ دن پہلاں ای انکشاف ہویا کہ ریحام خان نے اپنی کتاب وچ دعوا کیتا اے کہ اوہناں نے عمران خان دی جیب وچوں کوکین دے پیکٹس برآمد کیتے سن۔
ایہو نہیں بلکہ ریحام خان نے عمران خان دی جیب توں برآمد ہون والی کوکین دیاں تصویرں وی اپنی کتاب وچ چھپوا دتیاں ۔ریحام خان نے اپنی کتاب وچ دعوا کیتا کہ اوہناں نے اک وار نہیں بلکہ کئی وار عمران خان توں کوکین برآمد کیتی سی۔ ریحام خان ولوں کیتے گئے ایس دعوے نے اک وار فیر خبراں وچ اپنی تھاں بنا لی اے۔
