اسلام آباد( پاکستان پوائنٹ نیوز10۔جولائی۔2018ء ) سابق وزیر اعظم نواز شریف نے فوج دے اہم ترین جرنیل میجر جنرل فیض اللہ حمید اُتے الزام لادتا۔ نواز شریف دا کہنا سی کہ میجر جنرل فیض اللہ حمید وفاداریاں بدلوان والیاں وچ ملوث نیں۔ میجر جنرل فیض اللہ حمید نے ساڈے امیدواراں نوں جیپ دا نشان دوان وچ اہم کردار ادا کیتا، ڈی جی آئی ایس پی آر دا میجر جنرل فیض اللہ حمید دے حوالے نال سیاسی امور بارے وضاحتاں دینا افسوسناک اے۔
تفصیل مطابق پاناما کیس وچ نواز شریف دی نااہلی مگروں مسلم لیگ (ن) دی سیاست دا کالا دور شروع ہویا۔ مسلم لیگ (ن) دی ساکھ اودوں خطرے وچ پئی جدوں پارٹی دے قائد نواز شریف نے عدلیہ، نیب تے پاک فوج سنے ملکی اداریاں نوں تنقید دا نشانہ بنانا شروع کیتا۔ انج دے ماحول وچ پارٹی دے سینئر رہنماواں نے وی نواز شریف دا ساتھ چھڈ دتا، جیہدی وڈی مثال چودھری نثار علی خان تے زعیم قادری نیں۔
پر ہن اک وار فیر نواز شریف نے پاک فوج دے میجر جنرل فیض اللہ حمید اُتے وڈا الزام لایا اے۔ نواز شریف دا کہنا سی کہ میجر جنرل فیض اللہ حمید وفاداریاں بدلوان والیاں وچ ملوث نیں۔نواز شریف نے آکھیا کہ میجر جنرل فیض اللہ حمید نے ساڈے امیدواراں نوں جیپ دا نشان دوان وچ اہم کردار ادا کیتا۔اوہناں دا کہنا سی کہ ڈی جی آئی ایس پی آر دا میجر جنرل فیض اللہ حمید دے حوالے نال سیاسی امور بارے وضاحتاں دینا افسوسناک اے۔
