لاہور( پاکستان پوائنٹ نیوز11۔جولائی۔2018ء ) عوامی مسلم لیگ دے سربراہ شیخ رشید احمد نے آکھیا اے کہ جے جمعے دے دیہاڑے 10توں 20لکھ بندے نکلے تے (ن) لیگ دی سیاست چمک جائے گی پر جے 5توں 10ہزار لوک نکلے تے ایہ نواز شریف دے سیاسی تابوت وچ آخری کِل ہوئے گا۔ نجی ٹی وی نال گل بات کردے ہوئے شیخ رشید نے آکھیا کہ پہلی وار شیخ برادری میرا ساتھ دے رہی اے پر قومی اسمبلی وچ ختم نبوت دے معاملے اُتے میرے کردار دی وجہ توں مذہبی طاقتاں وی میرے نال نیں۔
انشاء اللہ میں دوویں حلقیاں وچوں اک لکھ توں ودھ ووٹ لواں گا تے وڈے مارجن نال کامیابی حاصل کراں گا۔ اوہناں نے اک سوال دے جواب وچ آکھیا جے جمعے دے دیہاڑے 10توں 20لکھ بندے نکلے تے (ن) لیگ دی سیاست چمک جائے گی پر جے 5توں 10ہزار لوک نکلے تے ایہ نواز شریف دے سیاسی تابوت وچ آخری کِل ہوئے گا۔
