اسلام آباد( پاکستان پوائنٹ نیوز09۔جولائی۔2018ء ) شاہین ائر لائن دیاں اسلام آباد توں دبئی جان والیاں فلائٹاں بند کرن دا اعلان کیتا گیا اے، ترجمان سول ایوی ایشن اتھارٹی دا کہنا اے کہ شاہین ائر نے سول ایوی ایشن اتھارٹی دے سوا ارب رُپئے توں ودھ پیسے دینے نیں، اسلام آبادتوں دبئی جان والیاں فلائٹاں 13جولائی توں بند ہو جان گیاں، شاہین ائر لائن راہیں دبئی جان والے مسافر ہور فلائٹ دا بندوبست کرن۔
تفصیل مطابق نجی ائر لائن شاہین ائر تے سول ایوی ایشن وچکار جھیڑا ودھ گیا اے۔ سول ایوی ایشن اتھارٹی دے ترجمان ولوں جاری بیان وچ اعلان کیتا گیا اے کہ اسلام آبادتوں دبئی جان والیاں شاہین ائر لائن دیاں فلائٹاں 13جولائی توں بند ہو جان گیاں۔ ترجمان سول ایوی ایشن اتھارٹی دا کہنا اے کہ شاہین ائر نے سول ایوی ایشن اتھارٹی دے سوا ارب رُپئے توں ودھ پیسے دینے نیں۔
ایسے کر کے 13جولائی توں شاہین ائر لائن دیاں اسلام آباد توں دبئی جان والیاں فلائٹاں بند کرن دا اعلان کیتا گیا اے۔ ترجمان سول ایوی ایشن اتھارٹی ولوں ہور آکھیا گیا ا ے کہ شاہین ائر لائن توں دبئی جان والے مسافر ہور فلائٹ دا بندوبست کرلین۔ چیتے رہوے کہ ایس توں پہلاں وی سول ایوی ایشن ولوں ذکر کیتی گئی ائر لائن دا دفتر بند کر دتا گیا سی، پر معاملات طے ہون مگروں فیر کھول دتا گیاسی۔
