اسلام آباد( پاکستان پوائنٹ نیوز09۔جولائی۔2018ء ) چیئرمین سینیٹ نے چیف جسٹس نوں پچھانہ چھڈ دتا ،صادق سنجرانی دا ڈیماں دی اُساری لئی 15لکھ رُپئے دین دا اعلان، چیئرمین سینیٹ دا کہنا سی کہ پانی دی کمی اک اہم قومی مسئلا اے۔ ملک اندر واٹر ایمرجنسی لانی چاہیدی ۔ بھاشا دیامر تے مہمند ڈیم دی اُساری لئی فنڈز دا قیام چنگی گل اے۔ تفصیل مطابق پاکستان بھر وچ ہر آؤندے دن نوں پانی دی کم وچ وادھا ہو رہیا اے تے ایسے گل نوں مُکھ رکھدے ہوئے سپریم کورٹ نے 2ڈیمز بنان دا حکم جاری کیتا سی۔
پاکستان وچ ڈیمز دی اُساری(تعمیر) لئی آپ چیف جسٹس آف پاکستان جسٹس ثاقب نثار نے وی اپنی جیب وچوں 10لکھ رُپئے عطیہ دتا۔ پر چیف جسٹس مگروں ہن چیئرمین سینیٹ نے چیف جسٹس نوں پچھانہہ چھڈ دتا۔چیئرمین سینیٹ صادق سنجرانی دا ڈیماں دی اُساری لئی 15لکھ رُپئے دین دا اعلان کیتا اے۔ اوہناں دا کہنا سی کہ پانی دی کمی اک اہم قومی مسئلا اے۔ ملک اندر واٹر ایمرجنسی لانی چاہیدی اے۔
چیئرمین سینیٹ نے آکھیا کہ بھاشا دیامر تے مہمند ڈیم دی اُساری لئی فنڈز دا قیام چنگی گل اے۔چیتے رہوے کہ ایس توں پہلاں اج پاک فوج نے ڈیماں دی اُساری(تعمیر) وچ حصہ پان دا اعلان کیتا۔آئی ایس پی آر مطابق تِنوں فوجاں دے سربراہ و افسر 2 جدکہ جوان اک دن دی تنخاہ کارخیر وچ جمع کروان گے۔ ترجمان پاک فوج میجر جنرل آصف غفور نے آکھیا کہ پاک فوج وی ڈیماں دی اُساری وچ اپنا حصہ ودھ کے پائے گی۔ پاک فوج دیامیر بھاشا ڈیم تے مہمند ڈیم دے فنڈز وچ حصہ قومی فرض سمجھدے ہوئے پائے گی۔ ترجمان پاک فوج میجر جنرل آصف غفور نے آکھیاکہ تِناں فوجاں دے سربراہ و افسر دو دن جدکہ جوان اک دن دی تنخاہ ایس نیک مقصد لئی جمع کروان گے۔
