فیصل آباد( پاکستان پوائنٹ نیوز05۔جولائی۔2018ء ) پاکستان تحریک انصاف نوں وڈا جھٹکا لگا اے، این اے 105توں پاکستان تحریک انصاف دے امیدوار آصف توصیف نااہل ہو گیا۔ تفصیل مطابق الیکشن دیاں تیاریاں زوراں نال جاری نیں۔ ٹکٹاں دے معاملے طے ہون دے نال نال کاغذات نامزدگی دی پُن چھان دا مرحلا وی ختم ہو گیا اے۔ ایس موقعے اُتے کئی انتخابی امیدواراں دے کاغذات نامزدگی رد کیتے گئے نیں۔
پر ایس موقعے اُتے اوہناں نوں اپیل دا حق وی دتا گیااے۔ تازہ اطلاع مطابق پاکستان تحریک انصاف نوں این اے 105توں وڈا جھٹکا لگا اے کیونکہ لاہور ہائی کورٹ نے اوہناں دے انتخابی امیدوار آصف توصیف نوں نااہل قرار دے دتا اے۔ لاہور ہائی کورٹ نے آصف توصیف نوں بنک ڈیفالٹر ہون اُتے نااہل قرار دتا اے تے ایسے بنیاد اُتے اوہناں دے کاغذات نامزدگی وی رد کیتے گئے سن۔
