لاہور( پاکستان پوائنٹ نیوز04۔جولائی۔2018ء ) الیکشن 2018دے حوالے نال سابق وزیر اعظم نواز شریف تے سابق صدر آصف زرداری وچکار ڈیل ہو گئی اے۔ تفصیل مطابق مشہور پرچاکار و کالم نگار ہارون الرشید دا اپنے اک کالم ’جسے میخانہ کہتے ہیں‘ وچ کہنا اے کہ جناب آصف علی زرداری دے انٹرویو توں واضح اے کہ کسے ویلے وی انٹرنیشنل اسٹیبلشمنٹ دے زیر اثر میاں محمد نواز شریف نال سمجھوتا کر سکدے آں۔
تے ایہ اوہناں نے کئی وار آکھیا اے، کیونکہ یہ اوہناں دی سیاسی ضرورت اے۔ پر نواز شریف دے اُلٹ اجے اوہ بھارتی بالادستی دی حمایت نہیں کر رہے ۔ اوہناں دا ایجنڈا واضح اے کہ ہر حال وچ اوہناں نوں سندھ چاہیدا۔ تے اوہ جدوں تے جس طرحاں چاہن صوبے وچ پولیس تے افسر شاہی نوں ورتن۔ ہارون الرشید دا ہور کہنا اے کہ اپنی خبر اُتے ایس ماڑے بندے دا اصرار اے کہ لاہور وچ اک پسندیدہ کردار دے گھر نواز شریف نال اوہناں دی خفیہ ملاقات ہوئی۔
وسیلیاں دا کہنا اے کہ الیکشن مگروں ایہناں دوواں رہنماواں نے مرکز وچ اکٹھے حکومت بنان دا پلان کیتا۔ دوجے دا دعوا ایہ اے کہ صورت حال توں فائدہ چُک کے اوہ نواز شریف دے مخالفاں نال وی معاملا طے کرسکدے نیں۔ شرط ایہ ہوئے گی کہ صدر پاکستان دا منصب تھالی وچ رکھ کے اوہناں نوں دتا جائے۔ سندھ اوہناں دے سپرد رہے، جتھے پولیس تے انتظامیہ دی مدد نال اوہ الیکشن جِتن۔
