لاہور( پاکستان پوائنٹ نیوز02۔جولائی۔2018ء ) پاکستان پیپلز پارٹی نے شوکت بسرا،منظور وٹو، نوشیر لنگڑیال تے غلام میرانی نوں پارٹیوں کڈھ دتا اے، چارے عہدیداراں نوں پارٹی پالیسی دی خلاف ورزی اُتے پارٹیوں کڈھیا گیا اے۔ میڈیا رپورٹس مطابق پیپلز پارٹی نے شوکت بسرا،منظور وٹو، نوشیر لنگڑیال تے غلام میرانی نوں پارٹیوں کڈھ دتا اے۔پیپلز پارٹی دے جنوبی پنجاب دے صدر سید مخدوم احمد محمود نے قیادت دی ہدایت اُتے اپنے چار اہم رہنماواں نوں پارٹیوں کڈھ دتا اے۔
چارے رہنماواں نے ٹکٹاں دی ونڈ خلاف پارٹی پالیسی دی خلاف ورزی کیتی سی۔ جیہدے اُتے پیپلز پارٹی نے شوکت بسرا سنے چارے عہدیداراں نوں پارٹیوں کڈھ دتا اے۔ ایسے طرحاں لیہ توں پارٹی دے جنرل سیکرٹری جاوید اقبال نوں وی پارٹی عہدے توں فارغ کر دتا گیا اے۔
