راولپنڈی( پاکستان پوائنٹ نیوز02۔جولائی2018ء ) آرمی چیف نے 12دہشت گرداں دی سزائے موت دی توثیق کر دتی اے۔ سارے دہشت گرداں نوں فوجی عدالتاں نے سزاواں سنائیاں سن، 6دہشت گرداں نوں عمر قید دی سزا سُنائی گئی اے۔ پاک فوج دے شعبہ تعلقات عامہ (آئی ایس پی آر) دے مطابق آرمی چیف نے 12دہشت گرداں دی سزائے موت دی توثیق کر دتی اے۔ سارے دہشت گرداں نوں فوجی عدالتاں نے سزاواں سُنائیاں سن۔
کالعدم تنظیماں توں تعلق رکھن والے دہشت گرد فورسز اُتے حملیاں وچ وی ملوث سن۔ ایہناں دہشت گرداں وچ عاشق خان، جنت کریم، ابوبکر، انور خان، غلام حبیب، رواز خان،عبدالغفور تے میراج سنے ہور دہشت گرد شامل نیں۔ 6دہشت گرداں نوں عمر قید دی سزا وی سُنائی گئی اے۔ دہشت گرداں نے 26سویلین سنے 34بندیاں نوں قتل تے 133 نوں زخمی کیتا سی۔ دہشت گرد سکیورٹی اداریاں اُتے حملیاں وچ وی ملوث رہے۔ آئی ایس پی آر دا کہنا اے کہ احسان اللہ ولد کفایت اللہ نوں ثبوت نہ ہون دی وجہ توں بری کر دتا گیا اے۔
