سیالکوٹ( پاکستان پوائنٹ نیوز30۔جون2018ء ) پاکستان تحریک انصاف ولوں انتخابی ٹکٹ منسوخ کیتے جان اُتے امیدوار نوں دل دا دورہ پے گیا، امیدوار نوں ہسپتال منتقل کرنا پے گیا۔ میڈیا رپورٹ مطابق تحریک انصاف نے پنجاب اسمبلی دے حلقہ پی پی 35سیالکوٹ توں امیدوار میاں عابد جاوید نوں انتخابی ٹکٹ جاری کیتا سی پر ایہ ٹکٹ بعدوں منسوخ کر دتا گیا، ٹکٹ دی منسوخی دا پتا چلن اُتے امیدوار میاں عابد جاوید ایس دُکھ نوں برداشت نہ کر سکے تے اوہناں نوں دل دا دورہ پے گیا۔
جیہدے مگروں اوہناں نوں ہسپتال منتقل کر دتا گیا ، جتھے ڈاکٹراں ولوں اوہناں نوں ڈاکٹری(طبی) امداد دتی جا رہی اے۔ ڈاکٹراں دا کہنا اے کہ اوہناں دی طبیعت بہتر اے۔ دوجے پاسے میڈیا نال گل بات کردے ہوئے اوہناں دا کہنا اے کہ حلقے وچ اوہناں دی مقبولیت 97فیصد اے ایہدے مگروں وی اوہناں توں ٹکٹ واپس لے لیا گیا جیہدا بہت دُکھ ہویا۔
