واشنگٹن( پاکستان پوائنٹ نیوز30۔جون2018ء ) امریکی محکمہ خارجا نے ایس گل اُتے اطمینان دا اظہار کیتا اے کہ پاکستان ولوں اعلا سطحی سیاسی عزم ساہمنے آیا اے، جیہدے وچ آکھیا گیا اے کہ دہشت گردی لئی مالی وسائل دی ترسیل دے معاملے اُتے نظر رکھن دے حوالے نال جو نشان کاریاں(نشاندہی) کیتیاں گئیاں کمزوریاں دور کرن دی کوشش کیتی جائے گی۔ غیر ملکی خبر رساں ادارے مطابق ایہ گل محکمہ خارجا دی سوانی ترجمان نے جاری کیتے گئے اک بیان وچ آکھی۔
ہیدر نوئرٹ نے آکھیا کہ اسیں پاکستان دی حوصلا افزائی کردے آں کہ اوہ ایف اے ٹی ایف تے بین الاقوامی برادری نال رلکے کم کرے تاں جے دہشت گردی لئی مالی وسائل دی ترسیل اُتے نظر رکھن والے اداریاں دیاں شرطاں پوریاں کیتیاں جان گیاں۔ جیہدے وچ اقوم متحدہ دی سلامتی کونسل دی قرار داددیاں شقاں نوں پورا کرنا شامل اے۔ قرارداد وچ آکھیا گیا اے کہ اوہناں فنڈز نوں منجمد کیتا جائے، اوہناں نوں اکٹھا کرن توں روکیا جائے تے جیہڑے پیساں دا تعلق کالعدم نہ قرار دتے گئے دہشت گرد گروپاں توں ہوئے اوہناں دی ترسیل روکی جائے گی۔
