شہریاں نے (ن) لیگ چھڈ کے پیپلز پارٹی وچ جان والے رہنما دی دھلائی کر دتی

کراچی( پاکستان پوائنٹ نیوز25۔جون2018ء ) (ن) لیگ چھڈ کے پیپلز پارٹی وچ رلتی ہون والے سابق ایم پی اے ہمایوں خان دی شہریاں نے دُھلائی کر دتی۔ شہریاں نے سابق ایم پی اے ہمایوں خان نوں ویکھدے ای چور چور دے نعرے لائے تے وٹے مارنے شروع کر دتے۔ ہمایوں خان نے نس کے قریبی گھر اندر وڑ کے جان بچائی۔ تفصیل مطابق جیویں جیویں الیکشن دا ویلا نیڑے آ رہیا ، اوویں اوویں سیاسی رہنماواں نے وی الیکشن وچ جِت لئی اپنیاں کوششاں تیز کر دتیاں نیں۔ پنج سال حلقے دا مونہ نہ ویکھن والے سیاسی رہنماواں نے وی ہن اپنے حلقیاں وچ آنا جانا شروع کر دتا اے۔پر لوک وی ہن سیانے ہو گئے نیں، اوہ اپنے سیاسی رہنماواں توں ایہ سوال کرن لگے گئے نیں کہ پنج سال ساڈا خیال نہیں آیا ہن ووٹ منگن کیوں آئے او؟اجیہا ای اک واقعہ کراچی وچ پیش آیا، جتھے لوکاں نے (ن) لیگ چھڈ کے پیپلز پارٹی وچ رلتی ہون والے رہنما دی دُھلائی کر دتی۔شہریاں نے (ن) لیگ چھڈ کے پیپلز پارٹی وچ رلتی ہون والے سابق ایم پی اے ہمایوں خان دی دُھلائی کیتی۔ شہریاں نے سابق ایم پی اے ہمایوں خان نوں ویکھدے ای چور چور دے نعرے لائے تے وٹے مارنے شروع کر دتے۔ ہمایوں خان نے نس کے قریبی گھر اندر وڑ کے جان بچائی۔