چودھری نثار علی خان دے کاغذات نامزدگی چیلنج

راولپنڈی( پاکستان پوائنٹ نیوز12۔جون2018ء ) سابق وفاقی وزیر داخلا چودھری نثار علی خان دے کاغذات نامزدگی چیلنج کر دتے گئے، آر او نے اورکزئی دی درخاست منظور کردے ہوئے چودھری نثار نوں 14جون نوں سد لیا، درخاست گزار دا کہنا اے کہ چودھری نثار سپریم کورٹ حملا کیس وچ ملوث نیں ایس لئی اوہناں نوں الیکشن لڑن دی اجازت نہ دتی جائے۔ منگل نوں شاہد اورکزئی نامی بندے نے سابق وزیر داخلا چودھری نثار علی خان دے کاغذات نامزدگی چیلنج کر دتے۔

شاہد اورکزئی دا درخاست وچ کہنا سی کہ چودھری نثار سپریم کورٹ حملا کیس وچ ملوث نیں ایس لئی اوہناں نوں الیکشن لڑن دی اجازت نہ دتی جائے۔آر او نے درخاست منظور کردے ہوئے چودھری علی خان تے درخاست گزار نوں 14جون نوں سد لیا اے۔ چیتے رہوے کہ چودھری نثار علی خان نے این اے 59توں کاغذات نامزدگی جمع کروائے سن۔