لاہور( پاکستان پوائنٹ نیوز11۔جون2018ء ) سپریم کورٹ وچ نواز شریف تے مریم نواز خلاف ٹرائل پورا کرن دی درخاست اُتے سنوائی دوران چیف جسٹس نے آکھیا کہ نواز شریف تے مریم نواز بیگم کلثوم دی خبر لین لئی جانا چاہندے نیں تے جا سکدے نیں، مینوں دسن نواز شریف عیادت مگروں کدوں واپس آن گے؟سنوائی دوران چیف جسٹس نے پُچھیا کہ کیہ تُسیں تشہیر لئی آکھدے او سانوں کلثوم نواز دی عیادت لئی اجازت نہیں دتی گئی؟تُسیں زبانی آکھو اسیں اجازت دیواں گے۔
ایس بارے مشہور پرچا کار و تجزیہ نگار ارشد شریف نے اک ٹویٹ کیتا اے ۔ اپنے ٹویٹ وچ ارشد شریف نے نواز شریف دی لندن روانگی نوں کسے ڈیل نال جوڑیا اے۔ ارشد شریف نے کسے ڈیل ول اشارہ کردے ہوئے آکھیا کہ سمدھی اسحاق ڈار، حسن نواز تے حسین نواز اشہتاری ملزم نیں۔ تے نواز شریف نوں باہرلے ملک فرار ہون دی اجازت دے دتی گئی اے۔ ارشد شریف نے کسے ڈاکیومنٹ دی تصویر وی اپلوڈ کردے ہوئے آکھیا اے کہ ایہ نواز شریف تے جیہنوں اوہ خلائی مخلوق آکھدے نیں اوہناں وچکار ثالثی دی اک غیر متوقع ڈیل اے۔ جیویں مشرف نوں وی فرار ہون دی اجازت دتی گئی سی۔
