لاہور( پاکستان پوائنٹ نیوز11۔جون2018ء ) سابق چیف جسٹس افتخار محمد چودھری پی ٹی آئی چیئرمین عمران خان خلاف میدان وچ آ گئے۔ سابق چیف جسٹس نے اک پروگرام دوران ایس گل دا اعلان کیتا کہ اوہ عمران خان خلاف سیتا وائٹ کیس نوں فیر کھولن گے تے ایہ کم اوہ الیکشن توں پہلاں کرن گے۔ قومی اخبار دی اک رپورٹ مطابق سابق چیف جسٹس پاکستان افتخار محمد چودھری نے پی ٹی آئی چیئرمین عمران خان خلاف مبینہ طور اُتے اوہناں(عمران خان) تے برطانوی سوانی سیتا وائٹ دی ناجائز اولاد دے معاملے اُتے سپریم کورٹ وچ آرٹیکل 62-1ایف دے تحت درخاست دائر کرن دا فیصلا کیتا اے۔
افتخار چودھری دا کہنا سی کہ عمران خان اُتے خطرناک الزام موجود نیں کہ اوہناں دا اک `Love Child`اے۔ مینوں نہیں پتا اُردو وچ ایہناں اکھراں نوں کیویں بیان کیتا جائے کیونکہ ساڈیاں دھیاں وی ایہ گل سُن رہیاں ہون گیاں۔ بھاویں عمران خان پاکستان وچ ایس دھی نوں قبول نہیں کردے پر پاکستان توں باہر اوہنوں قبول کردے نیں۔ اخبار دی رپورٹ وچ ایہ وی لکھیا گیا کہ اے مشہور پرچا کار نسیم زہرہ نے اپنے ٹویٹر اکاؤنٹ اُتے ایہ ٹویٹ کیتا اے کہ سابق چیف جسٹس افتخار چودھری دا کہنا اے کہ اوہ عمران خان خلاف ثبوت اکٹھے کر چکے نیں۔
جیہد ے وچ اوہ ملکوں باہر ٹیریان نوں اپنی دھی من چکے نیں پر عمران خان ایہ گل پاکستان وچ نہیں مندے۔ پارلیمانی امیدوار دی اہلیت دے حوالے نال آئین دے آرٹیکل 62-1ایف دے مطابق اجیہا کوئی بندہ رکن اسمبلی چُنے جان دا اہل نہیں جو سمجھدار نہ ہوئے۔
