ناصر سعید کھوسہ نوں پنجاب دا نگران وزیر اعلا متھ دتا گیا

لاہور( پاکستان پوائنٹ نیوز28۔مئی2018ء ) ناصر سعید کھوسہ نوں پنجاب دا نگران وزیر اعلا متھ دتا گیااے۔ وزیر اعلا پنجاب شہباز شریف نے آکھیا کہ ناصر کھوسہ چنگی شہرت رکھدے نیں، اسیں چاہندے آں کہ الیکشن ویلے سِر ہون۔ میڈیا رپورٹس مطابق نگران وزیر اعظم مگروں پنجاب حکومت تے اپوزیشن وچ نگران وزیر اعلا پنجاب دے ناں بارے اتفاق ہو گیا اے۔ وزیر اعلا پنجاب نے نگران وزیر اعلا دے ناں دا اعلان کرد ے ہوئے آکھیا کہ ملک نوں جمہوری نظام راہیں ترقی ول لیجاواں گے۔ اوہناں نے آکھیا کہ میاں محمود الرشید دا وی شکر گزار آں جیہناں نے ایس حوالے نال تعاون کیتا۔ اوہناں دا کہنا سی کہ ناصر سعید کھوسہ شفاف الیکشن کروان وچ اہم کردار اداکرن گے۔