چین نے پاکستانی معیشت نوں سہارا دین لئی شاندار اعلان کر دتا

چینی کمرشل بنکاں ولوں پاکستان نوں اک ارب ڈالر دا قرضہ دتا جائے گا

چین نے پاکستانی معیشت نوں سہارا دین لئی شاندار اعلان کر دتا
 چینی کمرشل بنکاں ولوں پاکستان نوں اک ارب ڈالر دا قرضہ دتا جائے گا

بیجنگ( پاکستان پوائنٹ نیوز28۔مئی2018ء ) چین نے پاکستانی معیشت نوں سہارا دین لئی شاندار اعلان کر دتا۔ چینی کمرشل بنکاں ولوں پاکستان نوں اک ارب ڈالر دا قرضہ دتا جائے گا۔ ایس سلسلے وچ گل بات ہوئی، پاکستان نوں آس اے کہ اوہ چین نال اک توں دو ارب ڈالر دا قرضہ لین وچ کامیاب ہو جائے گا۔ تاں جے اوہ اپنیاں ادائیگیاں دے توازن نوں برقرار رکھ سکے۔ ایس طرحاں پاکستان نوں قرضہ حاصل کرن لئی آئی ایم ایف کول نہیں جانا پئے گا۔

رائٹر نے پاکستانی سرکاری وسیلیاں دے حوالے نال دسیا کہ پاکستان نوں ایس مالی سال دوران پنج ارب ڈالر مل سکدے نیں، جیہدے توں اوہ ادائیگیاں دے توازن نوں ہور بہتر بنا سکدا اے۔ ایہ ایس گل دی علامت اے کہ اسلام آباد مالی تعاون دے سلسلے وچ بیجنگ اُتے زیادہ انحصار کر رہیا اے۔ چین ولوں ملن والے قرضے پاکستان دے زرمبادلہ دے ذخائر وچ ہون والی کمی نوں پورا کر سکن گے۔جو مئی 2017دے مقابلے وچ گھٹ نیں۔ چین تے پاکستان دے سیاسی، اقتصادی تے فوجی تعلقات وچ لگاتار وادھا ہو رہیا اے، کیونکہ چین پاکستان نوں سی پیک دی مد وچ 57ارب ڈالر دے رہیا اے ۔ رائٹر دا کہنا اے کہ ایہناں قرضیاں دے معاملات اُتے پاکستان دی وزارت خزانہ دے حکام نے کوئی تبصرہ نہیں کیتا۔