پشاور( پاکستان پوائنٹ نیوز26۔مئی2018ء ) خیبرپختونخوا حکومت ولوں ’نیب زدہ‘ افسر اُتے مہربانیاں دا سلسلا جاری اے۔صاحبزادہ سعید نوں اِکو ویلے 5عہدیاں اُتے تعینات کر دتا گیا جدکہ صاحبزادہ سعید نے انوکھی منطق اختیار کردے ہوئے آکھیا اے کہ اپنے آپ عہدے نہیں رکھے، حکومت دا میرے اُتے بھروسہ اے۔ تفصیل مطابق نیب زدہ افسر چیئرمین بورڈ آف گورنرز حیات آباد میڈیکل کمپلیکس صاحبزادہ سعید اکو ویلے پنج عہدیاں اُتے تعینات نیں۔
اوہ سٹرٹیجک سپورٹ یونٹ وزیر اعلا ہاؤس دے سربراہ ،پختونخوا انرجی ڈویلپمنٹ دے چیئرمین تے پی ٹی آئی حکومت دی مہربانی نال اکنامک زون ڈویلپمنٹ اینڈ مینجمنٹ کمپنی بورڈ دے رکن وی نیں۔ا یس توں وکھ صاحبزادہ سعید اوورسیز پاکستانیز فاؤنڈیشن دے بورڈ آف گورنر دے رکن وی نیں۔ چیتے رہوے کہ صاحبزادہ سعید اُتے نیب وچ 75ملین رُپئے توں ودھ دی کرپشن دا کیس وی چل رہیا اے۔ دوجے پاسے صاحبزادہ سعید نے انوکھی منطق بیان کردے ہوئے آکھیا کہ اپنے آپ عہدے نہیں رکھے، حکومت دا میرے اُتے بھروسہ اے۔
