کراچی( پاکستان پوائنٹ نیوز26۔مئی2018ء ) کراچی وچ گرمی دی لہر ختم ہون دا ناں نہیں لے رہی۔ محکمہ موسمیات نے ہیٹ ویو دی نویں وارننگ جاری کر دتی اے۔ محکمہ موسمیات مطابق روزیاں دے مقدس مہینے وچ غیر معمولی ڈاڈھی گرمی، سمندری ہواواں بند ہون تے بجلی دی لمی لوڈشیڈنگ دے کارن(باعث) کراچی والیاں دیاں اوکڑاں گھٹ ہون دا ناں نہیں لے رہیاں۔ اک ہفتہ ڈاڈھی گرمی پین مگروں اجے کراچی والیاں سُکھ دا ساہ نہیں لیا سی کہ گرمی دی نویں لہر نے اوہناں نوں آ گھیریا اے۔
اج پارہ 41ڈگری سینٹی توں ودھ گیا جدکہ گرمی دی تپش 43ڈگری محسوس کیتی گئی۔ محکمہ موسمیات نے شہر وچ ہیٹ ویو دی نویں وارننگ جاری کر دتی اے، جیہدے مطابق شہر وچ ایتوار تے پیر تیکر درجہ حرارت 42ڈگری سینٹی گریڈ تیکر رہوے گا۔ ایس لئی شہر واسی سویرے 9وجے توں شام 4وجے تیکر بغیر کسے کم دے باہر نہ نکلن، ہلکے رنگاں دے پتلے کپڑے پان تے سِر اُتے گِلا رومال ضرور رکھن۔
