نواز شریف دی بھیرہ جلسے وچ نہ جان دی وجہ ساہمنے آ گئی

نواز شریف دی بھیرہ جلسے وچ نہ جان دی وجہ ساہمنے آ گئی

لاہور( پاکستان پوائنٹ نیوز26۔مئی2018ء ) پاکستان مسلم لیگ (ن) دے قائد محمد نواز شریف دے بھیروہ وچ عوامی جلسے وچ نہ جان دی وجہ ساہمنے آ گئی، نواز شریف نے جلسے وچ لوکاں دی کمی تے تسلی بخش انتظامات نہ ہون دی وجہ بھیرہ جان دا دورہ رد کیتا۔ میڈیا رپورٹس مطابق مسلم لیگ (ن) دے قائد محمد نواز شریف تے اوہناں دی دھی مریم نواز نے پچھلے دیہاڑے بھیرہ وچ عوامی جلسے نال خطاب کرنا سی۔

پر اوس ویلے جلسے وچ موجود لوکاں دی خشی مایوس وچ بدل گئی جدوں کیپٹن (ر) صفدر نے جلسے نال خطاب کردے ہوئے لوکاں نوں احساس دوایا کہ نواز شریف تے مریم نواز جلسے وچ نہیں آ سکن گے۔ اوہناں نے دسیا ہ نواز شریف دے ہیلی کاپٹر وچ خرابی پیدا ہو گئی اے جیہدی وجہ توں اوہ جلسے وچ نہیں اپڑ سکن گے۔ کیپٹن (ر) صفدر دے اعلان نال ای ایس موقعے اُتے جلسے وچ رلتی کارکناں نے جلسہ گاہ توں واپس گھراں نوں جانا شروع کر دا۔

دوجے پاسے اک رپورٹ وچ ایہ گل ساہمنے آئی اے کہ نواز شریف نے جلسے وچ لوکاں دی گھٹ گنتی ویکھ کے جلسے وچ نہ جان دا فیصلا کیتا۔ سرگودھا دے علاقے بھیرہ وچ (ن) لیگ دا جلسہ وزیر مملکت برائے مذہبی امور پیرامین الحسنات تے اوہناں دے بھرا پیر بہاؤالحق شاہ نے منعقد کروایا سی۔ جوکہ آؤندے الیکشن وچ مسلم لیگ (ن) دے این اے 88امیدار وی نیں۔ (ن) لیگ دے ارکان اسمبلی تے کارکناں ولوں جلسے دے انتظامات لئی وڈی رقم خرچ کیتی گئی سی۔