اسلام آباد( پاکستان پوائنٹ نیوز25۔مئی2018ء ) سابق وزیر داخلا چودھری نثا رعلی خان نے آکھیا کہ نگران وزیر اعظم دی تقرری دا معاملا پارلیمانی کمیٹی کول جائے گا۔ اوہناں نے آکھیا کہ پہلی ترجیح تصدیق حسین جیلانی دی نظر آ رہی اے۔ اک سوال دے جواب وچ اوہناں نے آکھیا کہ ضروری نہیں کہ پاکستان تحریک انصاف وچ شامل ہون والے الیکشن وچ کامیاب وی ہون۔ کیونکہ ہر جماعت دے اپنے انتخابی امیدوار ہوندے نیں۔
پرچا کار نے چودھری نثار علی خان توں سوال کیتا کہ کیہ عمران خان وزیر اعظم بنن وچ کامیاب ہو سکدے نیں؟جیہدے اُتے چودھری نثار علی خان نے جواب دتا کہ میرا ایہو سوال تہاڈے توں اے۔ چودھری نثا رعی خان نے اج سپیکر ایاز صادق نا ل ملاقات کیتی ۔ ملاقات دوران سیاسی صورتحال بار ے وچار وٹاندر اکیتا گیا۔ ایس موقعے تے پرچا کاراں نال غیر رسمی گل بات کردے ہوئے اوہناں نے آکھیا کہ آؤندے الیکشن وچ دو قومی تے دو صوبائی حلقیاں توں الیکشن لڑاں گا۔
اوہناں نے آکھیا کہ مسلم لگ (ن) دے حلقیاں وچ میرے موقف نوں پذیرائی مل رہی اے تے 95فیصد ایم این اے میرے ہم خیال نیں۔ چیتے رہوے کہ مسلم لیگ (ن) دے قائد و سابق وزیراعظم نواز شریف دی سپریم کورٹ توں نااہلی تے اوہناں دی دھی مریم نواز دی سیاست وچ انٹری مگروں چودھری نثار علی خان دے پارٹی نال کُجھ اختلاف چل رہے نیں۔جیہدے مگروں اوہناں پارٹی معاملات توں پچھانہہ ہٹن دا فیصلا کیتاہویا۔
