لاہور(پاکستان پوائنٹ نیوز۔24ستمبر 2016) پاکستان عوامی تحریک دے سینئر مرکزی رہنما سپریم کونسل ڈاکٹرحسن محی الدین نے آکھیا اے کہ حکومت بجلی منصوبیاں دی سکیورٹی دے ناں اُتے ورتیندڑاں اُتے ڈیڈھ ارب ڈالر دا نواں بھار پان توں باز رہوے، اوہناں نے اکھیا کہ غریب لوکائی پہلے ای بڑیاں اوکڑاں نال بجلی دا بل دے رہی اے، اوہناں اُتے ہور بھار پان نال غربت تے خدکشیاں ودھن گیاں۔
ڈاکٹر محی الدین نے آکھیا کہ عوامی تحریک موجودا حکمراناں دے ملک تے عوام دشمن اقدامات نوں ہمیشا ویلے توں پہلے بے نقاب کردی اے۔ اوہناں نے آکھیا کہ وفاقی حکومت بجلی دے غریب ورتیندڑاں توں پہلے ای لائن لاسزتے ڈیٹ سروسنگ دی مد وچ تن رُپئے 50 پیسے فی یونٹ وادھو لے رہی اے۔ نیلم جہلم پراجیکٹ دے ناں اُتے کٹوتی، غیر منصفانا جی ایس ٹی ، اووربلنگ تے بجلی چوری دی مد وچ وصولیاں ایس توں وکھ نیں۔
