پاکستان وچ بھارتی فلماں دی نمائش اُتے پابندی لان لئی لاہور ہائی کورٹ وچ درخاست جمع کروا دِتی گئی

لاہور(پاکستان پوائنٹ نیوز۔24ستمبر 2016) پاکستان وچ بھارتی فلماں دی نمائش اُتے پابندی لان لئی لاہور ہائی کورٹ وچ درخاست جمع کروا دِتی گئی ۔ تفصیل دے مطابق ہفتے دے دیہاڑے بھارتی فلماں دی نمائش اُتے پابندی دی درخاست لاہور ہائی کورٹ دے اظہر صدیق ایڈووکیٹ نے جمع کروائی، درخاست موقف اختیار کیتا گیا اے کہ بھارتی حکومت تے اداکار پاکستانی اداکاراں نوں بھارت چھڈن دیاں دھمکیاں دے کے ملک چوں لت مار کے کڈھن دیاں گلاں کر رہے نیں جدکہ پاکستان وچ بھارتی فلماں تے اداریاں دی حوصلا افزائی کیتی جا رہی اے۔ درخاست گزار نے استدعا کیتی کہ پاکستان وچ بھارتی فلماں دی نمائش اُتے جلدی پابندی لائی جائے۔